Hacı Gülbala Fənayi: Şəhid Süleymani və onun döyüş yoladaşlarının İslam ümməti arasında uca məqamı vardır.
Qafqaz Həqiqətləri xəbər verir ki, Ərdəbil Əyaləti Mədəniyyət və İslam İrşadı İdarəsinin təşəbbüsü ilə şəhid Süleymani, Hərəm müdafiəçiləri və Qarabağ şəhidlərinin uca məqamlarının anılması istiqamətində vebinar keçirilib. Vebinarın natiqlərindən olan Azərbaycan Respublikası vətəndaşı ruhani və Əhli-beyt (ə) şairi Hacı Gülbala Fənayi Fatimiyyə günləri və Hacı Qasim Süleymaninin şəhadəti münasibətilə Ali Məqamlı Rəbhərə və İslam ümmətinə başsağlığı verib. O, çıxışının davamında Qarabağ şəhidlərini uca tutub, Quran ayələrinə istinad edərək şəhidlərin həmişə diri olduğunu, onların həyatının əbədi olduğunu və Allahın yanında Onun ruzilərindən bəhrələndiklərini vurğulayıb.
Əhli-beyt (ə) şairi əlavə edib: “Şəhadət Allahın böyük nemətlərindəndir. Bu mövzu həm ayələrdə, həm də rəvayətlərdə açıq bəyan edilmişdir. Hacı Qasim Süleymani kimi şəhidlər həmişə Allah yolunda hərəkət ediblər, bütün işləri, hətta yemək yemələri, baxışları da Allaha üçün olmuşdur. Ona görə də İslam ümməti arasında onların uca məqamı vardır.”
Hacı Gülbala Fənayi çıxışının sonunda şəhid Qasim Süleymani barədə yazdığı şeri oxuyub. Həmin şeiri təqdim edirik:
Ey Əlinin Maliki, Qasim salam olsun sənə
Ey könüllər mülkünə hakim, salam olsun sənə
Afərin ol madərə bəxş etdi səntək bir igid
Əsdi zalımlar hüzurunda sənin manəndi bid
Qəhrin ilən vasil oldu atəşə qövmü-İŞİD
Nəqd canilən yetişdin vəsli yarə ey şəhid
Hər nə qədər aləm durur daim salam olsun sənə
Ey Əlinin Maliki, Qasim salam olsun sənə
Ey könüllər mülkünə hakim, salam olsun sənə
Nərə çəkdin daxil oldun şirtək meydanlara
Həmlə etdin tülküxislət qorxacaq dovşanlara
Torpaq üstə axmadı qanın süzüldü canlara
Getməyinlə dağlar çəkdin bütün aslanlara
Ki, sevindi düşməni-zalım, salam olsun sənə
Ey Əlinin Maliki, Qasim salam olsun sənə
Ey könüllər mülkünə hakim, salam olsun sənə
Abidə əfkaruvə bülbül güldü bağ dad eylədi
Göz yaşın canı bu gün Samira Bağdad eyədi
Həm Nəcəf, həm Kərbəla bir yerdə fəryad eylədi
Bu müsibətdə Fənayi sənnən imdad eylədi
Söylədi Badkubəni qaim, salam olsun sənə
Ey Əlnin Maliki, Qasim salam olsun sənə
Ey könüllər mülkünə hakim, salam olsun sənə
