İran və Rusiya xarici işlər nazirləri arasında telefon danışığı olub
bu barədə Rusiya Xarici İşlər Nazirliyindən məlumat verilib.
Məlumata görə tərəflər bu telefon təmasında qarşılıqlı əlaqələrlə yanaşı nüvə sazişi ətrafında baş verən prosesləri də müzakirə ediblər.
“Tərəflər BMT Təhlükəsizlik Şurasının təsdiqlədiyi nüvə sazişinin bərpası ilə bağlı danışıqların başlamasını dəstəkləyib və bütün tərəflərin hüquqlarının və mənafelərinin məhz bu yolla təmin edilməsinin mümkün olduğunu bildiriblər” – deyə bəyanatda vurğulanıb.
Tərəflər Beynəlxalq Atom Enerjisi Agentliyinin sədrinin İrana növbəti səfərini, Əfqanıstan məsələsini və Cənubi-Qafqazdakı vəziyyəti də müzakirə ediblər.