Ərdoğanın son siyasi dönüşü və Ər-Riyadla yaxınlaşması
Türkiyə prezidenti Rəcəb Tayyib Ərdoğan yüksək səviyyəli nümayəndə heyəti ilə iki günlük Səudiyyə Ərəbistanına səfər edib.
O, Səudiyyə Ərəbistanının vəliəhd şahzadəsi Məhəmməd ibn Salmanla görüşüb. Ərdoğan 2017-ci ildən Səudiyyə Ərəbistanına səfər etməmişdi. Digər tərəfdən, səudiyyəli jurnalist Camal Qaşıqçının öldürülməsi iki ölkə arasında gərginliyə səbəb olmuşdu.
Ərdoğanın səfəri iki tərəf arasındakı buzları əridib. Məhz bu səfərdən sonra Səudiyyə Hava Yollarının İstanbula 2020-ci ilin mart ayından dayandırılan uçuşları bərpa edəcəyi açıqlandı. 7 may şənbə günündən etibarən Ciddə və Ər-Riyaddan İstanbula iki uçuş, mayın 11-dən isə Mədinədən İstanbula uçuşlar həyata keçirəcək. Ciddə və Mədinəyə uçuşlar gündəlik olacaq. Ər-Riyada isə uçuşlar həftədə üç gün olacaq.
