Beynəlxalq “Fatimə (ə) Poeziya Toplantısı” Ərdəbil Vilayəti Kitabxanalar Baş İdarəsinin təşəbbüsü ilə bu idarənin iclas zalında virtual olaraq təşkil olunub.

Qafqaz Həqiqətləri xəbər verir ki, Ərdəbil Vilayəti Kitabxanalar Baş İdarəsinin evsahibliyi və İran tarixçisi və şair doktor Məhdi Mirza Rəsulzadənin təşəbbüsü ilə Beynəlxalq “Fatimə (ə) Poeziya Toplantısı” keçirilib. Toplantıya İran, Türkiyə, Azərbaycan, Almaniya, Hollandiya, Gürcüstan və digər ölkələrdən qonaqlar video-konfrans formada qatılıblar.

Hollandiyadan Nicat, Almaniyadan Vilayət, Türkiyədən İsa Şəfaət həzrət Fatimə (ə) haqda şeirlərini oxuyublar.

Habelə, Almaniyadan Arzu Çətin Kaya və Almaniyadan Vilayət Aytan, Azərbaycandan Seyid Elçin və Seyyidə Zəhra Nur, Türkiyədən Əli Kəran Xoştipə həzrət Zəhra (ə) haqqında oxuduqları şeirlərin video-kliplərini toplantıya göndəriblər və həmin şerilər toplantıda yayımlanıb.