ARMENPRESS xəbər verir: Ermənistan-Türkiyə sərhədində yerləşən Marqara sərhəd-keçid məntəqəsi əsaslı təmirdən sonra istifadəyə hazırdır.
Ermənistan Dövlət Gəlirləri Komitəsinin sədr müavini Karen Tamazyan bu barədə bildirib: “Sərnişin xidmətinin lazımi qaydada həyata keçirilməsi üçün texniki gömrük avadanlığı, pasport nəzarəti, sərhədçilər üçün bütün infrastrukturlar hazırdır”.
Xatırladaq ki, Türkiyə 1993-cü ildə Ermənistanla sərhədini bağlayıb.
2021-ci ildə Ermənistan və Türkiyə əlaqələri normallaşdırmağa hazır olduqlarını bəyan ediblər. 2022-ci ildə iki ölkə quru sərhədinin üçüncü ölkə vətəndaşları və diplomatik pasport sahibləri üçün açılması barədə razılığa gəlib.
2023-cü ilin oktyabrında Ermənistanın baş naziri Nikol Paşinyan sərhədin tezliklə açılacağına ümid etdiyini bildirib.
