شعری بسیار زیبا و پر نغز از شهریار خطاب به روشنفکران قفقازی
شیطان الفباسی!..
(خطاب به روشنفکران قفقاز)
آییریب شیطان الفباسی سیزی الله – دان
اوز الفبامیزی یازساز، تاپاسیز قرآنی
دونیا بئش گوندی، جهنم ده اولورسا اولسون
گل جهادیله تاپاق جنت جاویدانی
های وئرین الله – ا، شیطانی قویون تک قالسین
توولانیب، توولاماغیندا بالا اندازه سی وار
الله – ین شهری نبی دیر، قاپیسی شاه ولی
دئشیک آختارما، بوشهرین بئله دروازه سی وار
تورکلرین غیرتی تورکیه ده قافقازدا گره ک
قایناسین، ایندی کی اسلامدا جهاد میدانی دیر
کربلا فاجعه سی تجدید اولور ایراندا
غیرتین قاینادی بیل کی بو حسین – ین قانی دیر
عاکف – ین شعرینه باخ ، گور نه لر ائتمیش بیزه کفر
هر قدم بیر قویو قازمیش، نه ده سالمیش ده رینه
بیزده اسلاما قایتدیقدا گلین ال بیر اولاق
تورکلرین هر ایکی دونیاسی قاییتسین یئرینه
کفر، گوردوز نئجه چی – چی یئدی اسلام جگرین
سیزده کفرون جیگرین ایندی کباب ائتمه لی سیز
آپاریپ قافقازی جنگ ایله جواب ائتمه لی سیز
سیزده شیطانه جهاد ایله جواب ائتمه لی سیز
قاوزایین نعره ی تکبیرله مسلمانلیغیزی
فارس تک ثابت ائدین اسلاما سلمانلیغیزی
فارسی، تورکه عربه فایق ائدن اسلامدیر
گوسترین سیزده بو بلقیسه سلیمانلیغیزی
هر کیم الله – ینا باش ایمه دی حیوان قالاجاق
سیزده حیوانلارا بیر بیلدیرین انسانلیغیزی
استاد سید محمد حسین شهریار
