İslam Əməkdaşlıq Təşkilatına üzv ölkələrin Parlamentlərarası Birliyi Xocalı faciəsini Azərbaycan xalqına qarşı soyqırımı olaraq rəsmən tanıyıb.
APA bildirir ki, bazar günü İƏT-ə üzv ölkələrin Parlamentlərarası Birliyinin 11-ci iclasında Xocalı faciəsinin rəsmən soyqırımı kimi tanınması barədə qətnamə qəbul edilib.
Bu qətnamə Xocalı faciəsinin 54 ölkə tərəfindən rəsmən soyqırımı olaraq tanınması deməkdir.
Ermənistan ordusu 26 fevral 1992-ci il tarixində Xocalıda sivil əhaliyə qarşı soyqırımı törədərək, 613 nəfəri qətlə yetirib, 1275 nəfəri əsir alıb. Bu hadisə nəticəsində 150 nəfər itkin düşüb, 487 nəfər isə əlil olub.