Rusiyanın məşhur “politrus” saytı “Dağlıq Qarabağın geosiyasi gələcəyini necə görürsünüz?” sualı ilə oxucular arasında sorğu keçirib.
Publika.az xəbər verir ki, sorğunun nəticələrinə görə, əksəriyyət Qarabağın geri qaytarılmasına və Azərbaycanın ərazi bütövlüyünün bərpasına inanır.
Rəyi soruşulanların 42 faizi (681 səs) Qarabağın Azərbaycana qaytarılacağını düşünür. Qarabağın Ermənistana de-yure birləşdirilməsinə inananlar 31 faizdir (507 səs). Qarabağın müstəqilliyinin beynəlxalq səviyyədə tanınacağına inanlar 12 faiz (198 səs), Ermənistanla birlikdə Rusiyanın tərkibinə girəcəyini hesab edənlər isə 9 faiz (153 səs) təşkil edir.
Nəşr yazır ki, bütün hallarda Qarabağın gələcəyi dumanlı olaraq qalır.
