“Əl-Cəzirə” telekanalının Kremlə istinadla verdiyi xəbərə görə, Suriya böhranı ilə bağlı İran, Rusiya və Türkiyə prezidentləri arasında videokonfrans baş tutacaq.

Kremlin mətbuat katibi Dmitri Peskov bildirib ki, Astana müzakirələri çərçivəsində çərşənbə günü Vladimr Putin, Həsən Ruhani və Rəcəb Təyyib Ərdoğan arasında videokonfrans baş tutacaq.
Bu xəbərə görə, İran, Rusiya və Türkiyə prezidentləri üçtərəfli görüşə başlamazdan öncə ayrı-ayrılıqda bəyanat yayacaq.
Görüşdə Suriyada baş verən son hadisələr müzakirə ediləcək.