Müsəlman Birliyi Hərəkatının üzvü Sahil Rzalı artıq 3 gündür quru aclıq aksiyası keçirir.
“Sahil Rzalı 4 ildir ki, qanunsuz olaraq həbsdə yatdığını və günahsız olduğunu bildirir. Bu günə qədər həbsdən azad edilmədiyi, həbsxanada qidalanma məsələsinin normal olmadığı və rəhbərlik tərəfindən təzyiqlərə məruz qaldığı üçün artıq 3 gündür aclıq aksiyasına başlayıb”, – deyə yaxınları verdikləri məlumatda vurğulayıblar.
Qeyd edək ki, Sahil Rzalı 2015-ci ildə Bakının Nardaran qəsəbəsində həyata keçirilən əməliyyat zamanı saxlanılıb. Sabunçu Rayon Məhkəməsinin hakimləri Sahil Rzalının 6 il 5 ay müddətinə azadlıqdan məhrum edilməsinə hökm ediblər.
