İRNA-nın xəbərinə görə, Şərqi Azərbaycan vilayətinin başçısı Abedin Xorrəm deyib: “Bu il sərhədyanı bölgələrdə ticarətin aparılması ilə bağlı güzəştlərin artırılması üçün nəzərdə tutulmuş planlara əsasən, İran, Azərbaycan Respublikası və Naxçıvan Muxtar Respublikası ilə sərhədlərində tranzit daşımaların həcmi 40 faiz artıb”.
Çərşənbə axşamı Culfa sərhəd yarmarkasına baş çəkən vali jurnalistlərə açıqlamasında qeyd edib: “İranın hazırkı hökumətinin siyasətin sərhəddə gediş-gəlişi asanlaşdırmaq, tranzit imkanlarını artırmaq və idxal-ixrac əməliyyatlarını sadələşdirmək olduğunu nəzərə alaraq, İranla Azərbaycan Respublikası arasında sərhədin hər iki tərəfində bunun üçün məqbul şərait yaradılıb”.
Onun sözlərinə görə, sərhədlərin İran tərəfində yaradılan güzəştlər paralel olaraq sərhədin Azərbaycanın Naxçıvan tərəfində də yaradılmalıdır.