Gürcüstan parlamentinin azərbaycanlı deputatı hakim partiyadan ayrılmayacağını açıqlayıb

“Gürcü Arzusu-Mühafizəkarlar” fraksiyasından olan millət vəkili son hadisələrə görə fraksiyadan ayrılmaq fikrində olmadığını açıqlayıb. Ruslan Hacıyev eyni zamanda, Gürcüstan-Azərbaycan parlamentlərarası dostluq qrupunun üzvüdür.

Bu gün “Gürcü Arzusu-Mühafizəkarlar” fraksiyasının 6 üzvündən 3-ü – Zviad Dzidziquri, Nino Qoquadze və Qiqa Bukia fraksiyadan ayrıldıqlarını açıqlayıblar.

Bununla da ötən gün Gürcüstan parlamentində proporsional seçki sisteminə keçidi nəzərdə tutan konstitusiya düzəlişinin qəbul edilməməsindən sonra hakim partiyadan ayrılan millət vəkillərinin sayı 12-yə çatıb.