Ən gözəl adlar yalnız Ona məxsusdur
“O, Özündən başqa heç bir məbud olmayan, qeybi və aşkarı Bilən Allahdır. O Mərhəmətlidir, Rəhmlidir. O, Özündən başqa heç bir məbud olmayan, Hökmran, Müqəddəs, Pak, (haqqı) təsdiq edən, (hər şeyi) müşahidə edən, Qüdrətli, Qadir, Məğrur Allahdır. Allah onların Ona şərik qoşduqlarından ucadır. O, Xaliq, yoxdan Yaradan, Surətverən Allahdır. Ən gözəl adlar yalnız Ona məxsusdur. Göylərdə və yerdə olanların hamısı Onun şəninə təriflər deyir. O, Məğlubedilməzdir, Müdrikdir.” (Həşr, 22-24).
İzah: Allah-Taala ən üstün kamal sifətlərinə sahibdir və Onun zatında heç bir qüsur yoxdur. Yuxarıdakı ayə Allahın bəzi gözəl sifətlərini ehtiva edir.
Hədis: “Allahın doxsan doqquz gözəl adı var. Kim onları bilsə, Cənnətə daxil olacaqdır” (Xisal, səh. 593, hədis: 4).
