Onların üzərində müxtəlif psixoloji eksperimentlərin aparılması internet ictimaiyyətinin narazılığına səbəb olub.
Almaniyanın Proqram Təhlili və İnformasiya Sistemləri İnstitutunun (IAIS) alimləri dünyanın ən iri sosial şəbəkələrindən biri olan Facebookun artıq məşhurluğunun ən yüksək zirvəsinə çatdığını bildiriblər.
bu, Mark Zukerberqin layihəsinin sonunu proqnozlaşdıran ilk bu cür araşdırma deyil. Bu dəfə IAIS institutunun tədqiqatçıları qlobal şəbəkədə istifadəçilərin 175 müxtəlif servisə olan marağı dinamikasını təhlil ediblər və sosial şəbəkələrin siklik təbiətə malik olduqlarını təsdiq ediblər: onlar olduqca tez populyarlaşırlar və eyni sürətlə də onlara olan maraq azalır.
Kristian Kerstinq və Kristian Baukhaqenin araşdırması, istifadəçilərin bu və ya digər mövzunu Googleda axtarışlarını sayan, Google Trend servisinin məlumatlarına əsaslanıb.
Alimlərin diqqətini Twitter, VKontakte, Google+, LinkedIn və digər internet servisləri AirBnB, Amazon, Groupon, Spotify, Ebay və s. cəlb ediblər. Axtarış məlumatları 45 ölkə üzrə toplanıb. Sosial servislərin böyük əksəriyyəti eyni qanunlara riayət edirlər: hansısa anda onların hamısı bum yaşayırlar, sonra isə onlara olan maraq azalır.
Facebook istisna deyil və ona olan kollektiv diqqət eyni təpəyəoxşar sxem üzrə hərəkət edir. Axtarış məlumatlarının təhlili üzrə müxtəlif modelləri əsasən Facebookun populyarlığının hansı sürətlə azalacağında fərqlənirlər. Amma ən neytral qiymətləndirmələrə əsasən, 2017-ci ilədək sosial şəbəkəyə olan marağın bugünkü səviyyəsindən 50-80% azalacağı bildirilir.
Facebookun ən böyük düşməni onun auditoriyasının qocalmasıdır – tineycerlər artıq daha sadə və ünsiyyət qurmaq üçün lazım olan messencerlərdən istifadə etməyə üstünlük verirlər. Bu problemlə mübarizə yolu kimi, ən böyük populyarlığa malik olan WhatsApp messencerinin texnoloji yenilik üçün rekord məbləğ olan 19 milyard dollara alınması olub.
Eyni zamanda Facebookun istifadəçilərinin şəxsi məlumatlarının reklam məqsədləri ilə istifadə etdiyi və onların üzərində müxtəlif psixoloji eksperimentlərin aparılması internet ictimaiyyətinin narazılığına səbəb olub./bugun.az/
