Azərbaycan-Ermənistan dövlət sərhədinin Tovuz istiqamətində iyulun 12 və 13-nə keçən gecə ərzində də gərginlik davam edib.
İslamazeri.com xəbər verir ki, bu haqda Müdafiə Nazirliyinin məlumatında qeyd edilir.
Məlumatda “Artilleriya, minaatan və tankların tətbiqi ilə gedən gecə döyüşlərində bölmələrimizin dəqiq atəşi ilə düşmənin dayaq məntəqəsi, artilleriya qurğuları, hərbi hissəsi ərazisində avtomobil texnikası və canlı qüvvəsi məhv edilib.
Döyüşdə Azərbaycan Ordusunun hərbi qulluqçusu baş leytenant Mahmudov Rəşad Rəşid oğlu şəhid olub.
Müdafiə Nazirliyinin rəhbərliyi şəhidin ailəsinə başsağlığı verir və səbr diləyir. Allah rəhmət eləsin!
Hazırda əməliyyat şəraiti qoşunlarımızın nəzarəti altındadır. Düşmənə qarşı cəza tədbirləri həyata keçirilir.
Düşmən tərəfi itkiləri barədə məlumatları gizlədir.”, -deyə vurğulanır.
Tovuz istiqamətində döyüşlər: Düşmən belə vuruldu – VİDEO
