İranın Xuzistan ostanının Şuş şəhərində xarici ölkəyə məxsus pilotsuz uçan aparat (PUA) vurulub.
Bu barədə Xuzistan qubernatoru məlumat verib. PUA-nın hansı ölkəyə məxsus olması isə açıqlanmayıb.
Xatırladaq ki, İran son illərdə bir neçə dəfə ABŞ-a məxsus PUA vurulduğunu bildirib. Rəsmi Tehran 2011-ci ilin dekabrında ölkənin şərqində ələ keçirilən RQ-170 kəşfiyyat təyyarəsinin vurmadan yerə endirə bilmişdi, daha sonra PUA-nın bənzərinin hazırlandığını açıqlamışdı.
