Abgül Süleymanovla bağlı saytımıza məlumat daxil olub.
bir neçə gün 10 saylı CÇM-də cəza kamerasında saxlanılan ilahiyyatçı Hacı Abgül Süleymanov artıq karantindədir.
Cəza kamerasından karantinə keçirilən ilahiyyatçının yaxın günlərdə cəza çəkmə müəssisəsinə köçürüləcəyi önə çəkilir.
Qeyd edək ki, ilahiyyatçı Hacı Abgül Süleymanov bir neçə gün əvvəl 2 saylı CÇM-dən 10-saylı CÇM-ə köçürülmüş, daha sonra cəza kamerasına salınmışdı.
Xatırladaq ki, Hacı Abgül Süleymanov həbs edildiyi 2011-ci ildən bu vaxta kimi MTN, Kürdəxanı təcridxanası, 13 saylı CÇM, 7 saylı Qapalı Xüsusi Rejimli həbsxana, 11 saylı CÇM, 2 saylı CÇM-də saxlanılmışdı, hazırda isə 10 saylı CÇM-ində saxlanılır. İlahiyyatçının həbsinin 8 il olmasına 2 ay 15 gün qalıb.
