Gürcüstanın «Rustavi 2» telekanalının aparıcısı Qeorqiy Qabuniya özünün müəllif verilişi olan «Postskriptum»un ilk dəqiqələrini Rusiya prezidenti Vladimir Putinin və onun mərhum valideynlərinin ünvanına təhqirlərə həsr edib. Qeyd edək ki, bu verilişin konteksti çərçivəsinə aid deyil.
O, Rusiya prezidentinə rus dilində söyüşlə müraciət edərək onu «qoxumuş işğalçı» adlandırıb, gözəl vətənində Putinə və «kölələrinə» yer olmadığını deyib.
Bu hal hökumət dairələrində kəskin münasibətlə qarşılanıb. Baş nazir Mamuki Baxtadze, Qabuniyanın bu davranışını yolverilməz adlandıraraq, müraciəti provokasiya və Gürcüstanın sülh və təhlükəsizliyinə qarşı təhlükə kimi qiymətləndirib.
Prezident Salome Zurabişvili isə nifrət sözlərini, təhqirləri və provokativ bəyanatı tənqid etdiyini deyərək, bu davranışların Gürcüstan ənənələri ilə düz gəlmədiyini, Rusiyaya, həmçinin regiona münasibətdə dövləti parçalamağa və ölkədə gərginliyi artırmağa hesablandığını bəyan edib.
Bu hal sosial şəbəkələrdə də böyük müzakirələrə səbəb olub. İstifadəçilər aparıcının senzuradan kənar ifadələrini tənqid ediblər. Bundan başqa Tbilisidə yüzlərlə sakin telekanalın qarşısında mitinq keçiriblər. Onlar «Rustavi 2-siz Gürcüstan» şüarları səsləndirərək binanı süpürgə atəşinə tutublar. Aksiyaçılar telekanalın və aparıcının üzr istəməsini tələb ediblər.
У здания ‘Рустави 2’ сейчас больше ста человек. Многие скандируют ‘Грузия без Рустави 2’ и кидают веники в строну офиса телекомпании.
Люди требуют, чтобы телеканал и ведущий принесли извинения.Атмосфера возле здания напряженная pic.twitter.com/44aGZ1KdkA
— Olga Skabeeva (@OSkabeeva) 7 Temmuz 2019
Kanal müvəqqəti olaraq fəaliyyətini dayandırsa da, bu gün səhərdən polisin mühafizəsi ilə yenidən işinə başlayıb.
