ArxivIslamXəbər lentiXəbərlər

AİP ədalətsiz hökmü pisləyir

Bu günlərdə Səud rejimi məhkəməsinin çıxardığı ədalətsiz bir qərar bütün İslam dünyasında qəzəb və hiddətlə qarşılandı. Təkcə müsəlmanlar deyil, digər səmavi dinlərin daşıyıcıları olan tərəqqipərvər insanlar da, dəfələrlə Səudiyyə rejimi tərəfindən həbs olunan və bir çox işgəncələrə məruz qalan Ayətullah Nəmr haqqında edam hökmünün çıxarılmasını pisləyirlər.

AiP-in mətbuat xidmətinin məlumatına görə, böyük şəriət  alimi haqqında çıxarılan edam qərarını pisləyən Azərbaycan İslam Partiyası bu hökmə etiraz edən bəyanat qəbul edib.

Bəyanatda deyilir:

Səudiyyə Ərəbistanının Qətif şəhərində yaşayan, İslamın təməl dəyərlərinin müdafiəsində hər zaman sözünü deyən, mübariz cəhətlərilə dünya müsəlmanlarının izzət və hörmətini qazanan, sadə və təvazökar bir bəndə kimi tanınmış böyük İslam alimi Şeyx Nəmr Baqir ən-Nəmr ölkəsində ədalətsizliyin və haqsızlığın qurbanına çevrilmək ərəfəsindədir. İslam dininin tarixi keçmişinin həqiqətlərini, bu gününün tələblərini və gələcəyin bəşəriyyət üçün vacib şərtlərini öyrənib qiymətləndirən bir alimin həyatdan məhrum edilməsi, bütün müsəlman aləmi üçün böyük itki olardı.

Şeyx Nəmrə qarşı Səudiyyə rejiminin edam hökmü İslama arxadan zərbə vurmaqdan  başqa bir şey deyil. Sağlam düşüncəyə sığmayan bu addım İslam dünyasında əks reaksiya doğuraraq ciddi qarışıqlıq yaradan təxribat kimi qiymətləndirilir.

Azərbaycan İslam Partiyası böyük alimə çıxarılan ölüm hökmünü  Peyğəmbərimizin istək və vəsiyyətlərinə arxa çevirməyin göstərisici hesab edir. Düşünürük ki, belə təhdid və məhrumiyyətlərin alimlərə tətbiqi yerli hakimiyyətin zəifliyindən, rejimin idarəetmədə buraxdığı ciddi səhvlərin ört-basdır edilməsi cəhdindən, haqqın və ədalətin yanında duranları pərakəndə salmaq istəyindən irəli gəlir.

Biz Azərbaycan müsəlmanları, İslam siyasi təəssübkeşləri olaraq Səudiyyə hökumətini dünya müsəlmanlarının narahatlığını, nəzərə almaqla Şeyx Nəmr Baqirin haqqında çıxarılan ölüm hökmünü ləğv etmək, dəyərli alimin azadlıq və İslam yolunda gərəkli, fədakar fəaliyyət hüququnu özünə qaytarmaq barədə təcili qərar qəbul etməyi tələb edirik.

Yol verilən haqsızlıq və ambisiya, hər şeydən öncə, bir İslam aliminin itkisi olmaqla, müsəlman xalqları arasında ciddi etimadsızlıq yaradan mənfi amilə çevrilə bilər.

Biz tərəqqipərvər bəşəriyyətin mübariz insanlarını dünyamızın xilası üçün nazil olan İslam dininin, onun dəyərli alimlərinin müdafiəsinə çağırır, hər cür ədalətsizliyi rədd edirik.

Azərbaycan İslam Partiyası    /

maide.az

Related Articles

Leave a Reply

Your email address will not be published. Required fields are marked *

Time limit is exhausted. Please reload the CAPTCHA.

Check Also
Close
Back to top button