Ahlibeyt.ge xəbər verir ki, hər il olduğu kimi bu ildə Marneulidə fəaliyyət göstərən dini təşkilatlar və məscidlərin birgə təşkilatçılığı ilə izdihamlı “Tasua” mərasimi (yürüş) keçirildi.
Ölkənin müxtəlif bölgələrindən gəlmiş din xadimləri və inanclı müsəlmanların geniş iştirakı ilə baş tutan yürüşdə mərsiyələr oxundu və İslami şüarlar səsləndi.
Əhli-Beyt (ə) Cəmiyyətindən başlayan İmam Əli (ə) məscidində başa çatan yürüşün sonunda dəyərli alimlər çıxış edərək İmam Hüseynin (ə) qiyamından alınacaq dərslər haqqında danışdılar, mərsiyyələr və dualar oxundu.
Tasua yürüşündən sonra Ümum Gürcüstan Müsəlmanları Ali Dini İdarəsi və İmam Əli (ə) xeyriyyə fondunun təşkilatçılığı ilə yürüş iştirakçılarına imam ehsanı paylanıldı.
