Bakıda “Qüds islam dünyasının vəhdət və izzət simvolu” adlı konfrans keçirilib

Bakıda “Qüds islam dünyasının vəhdət və izzət simvolu” adlı konfrans keçirilib.

Ötən gün İran İslam Respublikasının Səfirliyinin Mədəniyyət Mərkəzində təşkil olunan konfransda rəsmilər,  ictimai və siyasi şəxsiyyətlər, alimlər, din xadimləri, incəsənət adamları  və media nümayəndələri iştirak edib. Quran tilavətindən sonra İslam İnqilabının banisi İmam Xomeyninin (rə) Qüds günün önəmi ilə bağlı çıxışlarından hazırlanmış videorolik konfrans iştirakçılarına  nümayiş olunub.

Konfransda çıxış edənlər, Qüds günün əhəmiyyətindən, İmam Xomeyninin (rə) İslam dünyasının izzətli olmasındakı rolu, düşmənlərin müsəlmanlar arasında ixtilaf yaratmağa çalışmasından danışıb. Bildirilib ki, Qüdsün xatırlanması işğal olunmuş digər müsəlman torpaqların unudulmamasıdır. Eyni zamanda Qüdsü müdafiə etmək azadlıq və bütün insanlığın müdafiəsidir.

Konfrans iştirakçıları qeyd olunub ki, Qüds təkcə Fələstinə aid deyil, bütün islam dünyasının məsələsidir, müsəlmanların oyanış və vəhdət günüdür.

İslam dünyasında vəhdətin əhəmiyyəti qeyd olunan konfransda müsəlmanların birlik nümayiş etdirəcəyi təqdirdə Qərb və sionist rejimin  Suriya, İraq, Fələstin və digər İslam ölkələrindəki cinayətləri baş tutmaz.

Konfransda həmçinin Qarabağın işğalı məsələsinə də toxunulub, bildirilib ki, müsəlman torpağı Dağlıq Qarabağın işğalı yolverilməzdir, mütləq azad olunmalıdır. Bu gün Qarabağ və Qüds eyni dərddədir.

Bir fikir xüsusi olaraq diqqətə çatdırılıb ki, Qüds islam dünyasının vəhdət və izzət simvoludur.

Konfrans çəərçivəsində  ABŞ və sionist rejimin Qüdsdə törətdiyi cinayətləri əks etdirən karikatura sərgisi təşkil olunub.