Hədəf14.az xəbər verir ki, bu gün “Maarifçiliyə Dəvət” İctima Birliyin təşkilatçılığı ilə onlarla inanclı şəxs dindar İran səfirliyi qarşısında müsəlmanların dini lideri Ayətullah Xamaneiyə dəstək olduqlarını səsləndiriblər. İB-in sədri ilahiyyatçı hacı Elçin Manafovun da iştirak etdiyi aksiyada 50-ə yaxın insan iştirak edib. İştirakçılar “Azərbaycan dindarları sizinlədir”, “hüseynçilər oyaqdı, inqilaba dayaqdı” “yaşasın ali dini lider Xamanei həzrətləri” kimi şüarlar səsləndiriblər. Təxminən yarım saat sürən və heç bir polis müdaxiləsi olmadan aksiya insidentsiz başa çatıb.
Qeyd edək ki, İranda bir müddət əvvəl bir qrup şəxslərin iştirakı ilə aksiya keçirilib.
Aksiya əvvəlcə qiymət artımına qarşı başlasa da, tezliklə dövlət hakimiyyətinə qarşı tammiqyaslı mitinqlərə çevrilib.
Birinci nümayiş dekabrın 28-də Məşhəd şəhərində keçirilib. Ardınca aksiya Tehran, İsfahan, Yəzd və ölkənin digər iri şəhərlərini əhatə edib. Ardıcıl çıxışlar polis ilə toqquşmalara gətirib çıxarıb ki, nəticədə onlarla insan saxlanılıb.Hal-hazırda isə İranda sabitlik hökm sürür.
