Jurnalistləri Müdafiə Komitəsi illik hesabat yaydı
“Azərbaycan çox sayda jurnalistin həbs edildiyi ölkələr arasındadır”.
“Turan”-ın məlumatına görə, Nyu-Yorkda yerləşən Jurnalistləri Müdafiə Komitəsinin (JMK) dekabrın 12-də yaydığı illik hesabatda belə deyilir. Sənədə əsasən, dünyada 262 jurnalist öz fəaliyyətinə görə həbs edilib. Ötən il bu rəqəm 259 olub.
Azərbaycanda isə hazırda orada həbsdə olan jurnalistlərin sayı 10 nəfər göstərilib.
JMK qeyd edir ki, həbs edilən jurnalistlərin sayının artması beynəlxalq ictimaiyyətin mətbuat azadlığı sahəsində qlobal böhranı nizamlaya bilməməsi deməkdir.
