Avropanın 12 ölkəsində “Buyurun, mən müsəlmanam” aksiyası keçirildi
Avropada “Buyurun, mən müsəlmanam” aksiyası uğurla başa çatıb.
Deyerler.org İGMG-yə istinadən xəbər verir ki, aprelin 29-dan start verilən aksiya Avropanın 12 ölkəsinin 200-dən artıq məntəqəsində keçirilmişdir. İslam Cəmiyyəti Milli Görüş (İGMG) hərəkatının təşəbbüsü ilə baş tutan aksiyada ümumilikdə 175.000 insan ilə ünsiyyət saxlanılıb və söhbət edilihb.
İGMG-nin baş katibi Bəkir Altaş aksiyadan sonra belə bir açıqlama ilə çıxış edib: “Bu il də aksiyamızı uğurla başa çatdırdıq. Çox gözəl sədalar almışıq. Bu da insanlarla bir-bir ünsiyyət saxlamağın nə qədər mühüm olduğunu bir daha göstərir”.
“Buyurun, mən müsəlmanam” aksiyası insanlara heç bir zəhmət vermədən, asanlıqla ünsiyyət qurmaq imkanını verir. Aksiyanın hədəfi insanların suallarını cavablandırmaq və düşüncələrindəki neqativ fikirləri dəyişməkdir. “Bu məqsədimizə çatdıq. Bu işimizi dəstəkləyən və kömək edən hər kəsə təşəkkürümüzü bildiririk”, – deyə Bəkir Altaş bildirib.
