Türkiyədə Polis Xidmətləri Sinfi Nümayəndələri Paltar Əsasnaməsində edilən dəyişikliklə daha bir qadağa ləğv edilib. Yeni qayda qadın polislərə hicab azadlığı verib. Kişi polislərə saqqal azadlığı məsələsində də dəyişiklik edilməsi gözlənilir.
faktXəbər-in məlumatına görə, yeni qanun 27 avqust 2016-cı il tarixindən qüvvəyə minəcək.
Aparılan dəyişiklik ilə iki maddədə yenilənib.
Birinci dəyişiklikdə xanım polis əməkdaşlarının hicab taxması üçün tənzimləmə tətbiq olunub. Dəyişikliyə görə, xanım polislər “papaq və ya beret altında üzünü örtməyəcək şəkildə başlarına taxdıqları uniforma rəngində naxışsız paltardan” hicab kimi istifadə edə biləcəklər.
İkinci dəyişiklik isə əsasnamənin qüvvə maddəsi olub, texniki bir məsələdir və şəxsi heyətə aidiyyəti yoxdur.
