Şotlandiyada hicab polis uniformasının bir hissəsi oldu

Şotlandiya polisi bu gündən etibarən hicabın rəsmi polis geyiminin bir hissəsi olduğunu bəyan edib.

Deyerler.org-un “İndependent”ə istinadən verdiyi xəbərə görə, hökumət rəsmiləri bu qərarın qəbul edilməsində məqsədin `müsəlman xanımlarını bu peşəyə sövq etmək olduğunu bildirib. “Ola bilsin ki, indiyə qədər müsəlman xanımlar öz karyeralarında variant olaraq görmürdülər. Bu qərardan sonra müsəlman xanımların da bu peşəyə marağının artacağını düşünürük”, – deyə qərarda bildirilib.

Qeyd edək ki, buna qədər də Şotlandiyanın müsəlman polis əməkdaşı olan xanımlara hicab taxmaq qadağan deyildi. Lakin, indi isə hicab polis geyiminin rəsmi bir hissəsi olaraq təsdiqlənib.